A API do MeteoSIX é un servizo web que da acceso aos resultados dos distintos modelos de predición numérica executados diariamente por MeteoGalicia.

O obxectivo desta API é facilitar a consulta da grande cantidade de información de predición meteorolóxica e oceanográfica existente presentándoa dun xeito estruturado e ordenado. A API pode ser útil tanto para aqueles que desexen desenvolver aplicacións meteorolóxicas a medida usando estes datos, como para usuarios finais que precisen a información para distintos tipos de análises e procesamentos.

É aconsellable consultar o manual de usuario da API do MeteoSIX (tamén en castelán) antes de utilizala. Neste documento descríbese o seu funcionamento con exemplos incluídos.

A API é pública e o seu uso é gratuíto. Para usala debe solicitarse unha clave de usuario enviando un correo electrónico co asunto “Solicitude de clave” ao enderezo:

Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Esta clave queda ligada ao enderezo de correo electrónico dende o que se fixo a solicitude e debe ser incluída en todas as peticións que se fagan.

As consultas á API fanse mediante peticións HTTP GET ou POST e os resultados poden devolverse en varios formatos (GeoJSON, GML, KML, HTML ou XML). Existen dous tipos de peticións:

Petición findPlaces: permite buscar lugares polo seu nome. Esta operación é útil, por exemplo, se se ten intención de desenvolver unha aplicación que permita ao usuario buscar entidades xeográficas introducindo o seu nome nun campo de texto. Os resultados inclúen a posición e un identificador de cada lugar atopado. Por exemplo, unha petición do tipo

http://www.meteogalicia.es/meteosix-api/findPlaces?location=santi&API_KEY=****

devolvería

{

  "type": "FeatureCollection",

  "crs": {

    "type": "name",

    "properties": {

      "name": "urn:ogc:def:crs:OGC:1.3:CRS84"

    }

  },

  "features": [

    {

      "type": "Feature",

      "geometry": {

        "type": "Point",

        "coordinates": [

          -8.5434,

          42.88187

        ]

      },

      "properties": {

        "id": "71938",

        "name": "Santiago de Compostela"

        "municipality": "SANTIAGO DE COMPOSTELA",

        "province": "A Coruña",

        "type": "eesspp"

      }

    },

    {

      "type": "Feature",

      "geometry": {

        "type": "Point",

        "coordinates": [

          -7.59353,

          43.66314

        ]

      },

      "properties": {

        "id": "71950",

        "name": "Viveiro (Santa María e Santiago)",

        "municipality": "VIVEIRO",

        "province": "Lugo",

        "type": "eesspp"

      }

.....

Peticicións getWeatherInfo: permite obter a predición numérica para un lugar determinado. O lugar pódese indicar mediante as súas coordenadas ou mediante o identificador obtido nunha petición do tipo findPlaces. Por exemplo, a petición

http://www.meteogalicia.es/meteosix-api/getWeatherInfo?&lonlat=-7.5342,44.1222&API_KEY=****

devolvería

As variables que se poden consultar a través da API son as seguintes:

• estado do ceo

• temperatura

• vento

• módulo do vento

• dirección do vento

• cota de neve

• cantidade de neve

• humidade relativa

• precipitacións

• cobertura nubosa

• presión ao nivel do mar

• altura de onda*

• período de onda*

• dirección de onda*

• temperatura da auga*

• salinidade*

*: só en puntos sobre o mar

Os modelos de predición numérica execútanse dúas veces ao día, e dependendo do modelo, cada execución proporciona datos de predición para 72, 84 ou 96 horas a partires da hora na que se comezan a executar. Ademais, cada modelo execútase sobre varias mallas de distintas resolucións, co cal existen distintas predicións para unha mesma variable. Todos estes datos son accesibles a través da API dun xeito estruturado e sinxelo.