Home API do MeteoSIX

O obxectivo global é favorecer e promover a axeitada xestión, difusión e aproveitamento da información meteorolóxica e oceanográfica en Galicia por todo tipo de usuarios: cidadáns, investigadores, científicos, empresas e profesionais para os que a meteoroloxía sexa un factor relevante.

API para consulta de datos de predición numérica
Escrito por Administrator   
Xoves, 12 Xaneiro 2012 14:34
Esta sección está obsoleta, para as últimas novidades da API do MeteoSIX, visite a páxina oficial de MeteoSIX en MeteoGalicia

 

A API do MeteoSIX é un servizo web que da acceso aos resultados dos distintos modelos de predición numérica executados diariamente por MeteoGalicia.

O obxectivo desta API é facilitar a consulta da grande cantidade de información de predición meteorolóxica e oceanográfica existente presentándoa dun xeito estruturado e ordenado. A API pode ser útil tanto para aqueles que desexen desenvolver aplicacións meteorolóxicas a medida usando estes datos, como para usuarios finais que precisen a información para distintos tipos de análises e procesamentos.

É aconsellable consultar o manual de usuario da API do MeteoSIX (tamén en castelán e inglés) antes de utilizala. Neste documento descríbese o seu funcionamento con exemplos incluídos.

A API é pública e o seu uso é gratuíto. Para usala debe solicitarse unha clave de usuario no formulario existente na páxina oficial de MeteoSIX en MeteoGalicia.

Última actualizaciónfeita en Mércores, 30 Outubro 2013 14:10